Casos de éxito – Cooperativas aínda máis conectadas
Aula Espazo Coop
“O campus virtual é intuitivo, bonito e permite xestionar as ferramentas dispoñibles para poder “alixeiralo” e facelo máis accesible ás persoas novatas. O servizo de soporte funciona realmente ben. As persoas de Contidos son atentas, próximas e tómanse cada incidencia coma un reto. Estou moi contenta de telos atopado.”
O reto: ser virtuais en tempo récord
Espazo Coop é unha entidade multisectorial de carácter empresarial, configurada como asociación sen ánimo de lucro, de ámbito galego, integrada por cooperativas de distintas clases, inspirada nos principios cooperativos e os seus valores. O seu obxectivo é xuntar, representar, e impulsar a intercooperación, defender os intereses das súas cooperativas socias e das persoas que as constitúen, e a divulgación, fomento e consolidación do cooperativismo como ferramenta de desenvolvemento socioeconómico, no marco da economía social e solidaria.
Espazo Coop chegou a nós en plena crise da Covid-19 buscando unha solución que lles permitise pasar rapidamente dun sistema baseado na presencialidade a un sistema completamente online. Todo un reto para o cal, ademais, apenas tiñamos tempo.
Que fixemos para solucionalo?
Deseñar un campus propio
Preparamos en tempo récord un portal online con todo o necesario para impartir a súa formación a máis de 670 alumnos.
Darlles todas as ferramentas
O aula virtual que creamos serviulles para impartir clases e realizar reunións online con audio, vídeo e taboleiro compartido.
Asesorar e orientar
Axudámoslles a identificar mellor as súas necesidades e como cubrilas.
Asistir na creación de contidos
Acompañámolos na identificación das ferramentas axeitadas para a creación de contidos, que lles permiten ser autónomos e xerar os seus propios cursos SCORM totalmente aptos para consumo desde PC, tablet o móbil.
Estás buscando algo así?
Queres poñer en marcha o teu campus e-learning?